նախընտրելի դարձնելՀունվարի 11-ի արեւածագին Սիրիայի կառավարական զորքերը լայնածավալ ռազմական գործողություն են սկսել Հալեպ քաղաքից արեւմուտք՝ Խան Ալ Ասալ շրջանը իրենց վերահսկողության տակ վերցնելու ու ահաբեկիչների հանցավոր գործունեությանը վերջ տալու նպատակով: Այս մասին հայտնում է սիրիական ՍԱՆԱ պետական լրատվական գործակալությունը՝ վկայակոչելով պաշտոնական ռազմական աղբյուրը:
Խան Ալ Ասալի շրջանում տեղակայված են ահաբեկչական խմբավորումներ, որոնց շարքերում հարյուրավոր օտարերկրյա վարձկաններ կան, որոնք այնտեղ են ներթափանցել՝ Ալ Սաուդի ու Էրդողանի վարչակարգերի աջակցությամբ ու ֆինանսավորմամբ, նշում է գործակալությունը:
