Հնդկաստանում փոստային գնացքի հանդուգն թալան է տեղի ունեցել: Թալանչիների ավազակախումբը անցք է բացել վագոններից մեկի տանիքին եւ ավելի քան  750 000 դոլարի կանխիկ գումար է գողացել: Ընդ որում, գողությունը հայտնաբերել են այն ժամանակ միայն, երբ գնացքը հասել է նպատակակետին: 

AFP-ն հայտնում է, որ Հնդկաստանի ոստիկանությունը կարծում է, որ   6-8 մարդուց կազմված ավազակախումբ է գործել: Գնացքը Հնդկաստանի ԿԲ-ին պատկանող մոտ 51 մլն դոլար էր տանում: Միաժամանակ, անմիջապես այն վագոնի կողքին, որի տանիքը ծակել էին հանցագործները, զինված հսկիչներ են եղել: Նշենք, որ թղթադրամները տեղափոխվում էին ուտիլիզացիայի համար, այնուամենայնիվ, դրանք դեռեւս շրջանառության մեջ են եւ  հնարավոր է դրանք օգտագործել: