Հայաստանի ԱԳ նախարար Էդվարդ Նալբանդյանի հրավերով նոյեմբերի 8-ին Հայաստան պաշտոնական այց կկատարի Իտալիայի արտաքին գործերի եւ միջազգային համագործակցության նախարար Պաոլո Ջենտիլոնին:

ԱԳՆ-ից NEWS.am-ին հայտնում են, որ նախարար Ջենտիլոնիին կընդունի Հանրապետության նախագահ Սերժ Սարգսյանը: Նախատեսված է Պաոլո Ջենտիլոնիի հանդիպումը վարչապետ Կարեն Կարապետյանի հետ:

Նույն օրը կկայանան Էդվարդ Նալբանդյանի եւ Պաոլո Ջենտիլոնիի բանակցությունները։

Նախարարները կստորագրեն Հայաստանում մշակութային ժառանգության պահպանման եւ վերականգնման տարածաշրջանային կենտրոն հիմնելու մասին համատեղ հայտարարությունը:

Հանդիպման արդյունքները կամփոփվեն համատեղ մամուլի ասուլիսով: