Այսօր Կոնգրես-ՀԺԿ նախընտրական  դաշինքի  շտաբի պետ Լեւոն Զուրաբյանը հանդիպեց  ՀՀ ԱԺ ընտրությունների դիտարկման նպատակով Հայաստանում գտնվող ԵԱՀԿ/ԺՀՄԻԳ դիտորդական առաքելության ղեկավար Յան Պետերսենի եւ առաքելության քաղաքական պատասխանատու Դանիելա Դիակոնուի հետ:

Քննարկվեց Հայաստանում նախընտրական իրավիճակը, Ընտրական փոփոխված օրեսնգրքով նախատեսված վերահսկման մեխանիզմների կիրառման հետ կապված հարցերը: ԼեւոնԶուրաբյանը եւ հանդիպմանը մասնակցող Վլադիմիր Կարապետյանն ու Ավետիս Ավագյանը ներկայացրեցին ստեղծված իրավիճակը, ընրախախտումների, մասնավորապես ընտրակաշառքի բաժանման, վարչական ռեսուրսի չարաշահման՝ շրջանառվող տեղեկությունները: Ձեռք բերվեց պայմանավորվածություն շարունակել շփումն ու տեղեկատվության  փոխանակումը: