Ամենահարուստ ութսուն նյույորքցիները, այդ թվում Ջորջ Սորոսը, Սթիվեն Ռոքֆելերը ու Էբիգեյլ Դիսնեյը, դիմել են նահանգապետ Էնդրյու Կուոմոյին ու օրենսդիր ժողովին՝ խնդրելով ավելացնել «մեծահարուստների» համար հարկային դրույքները, փոխանցում է «Ամերիկայի ձայնը»։

Նամակի հեղինակները համարում են, որ հենց իրենք պետք է ավելի շատ հարկեր վճարեն ՝ աջակցելով մունիցիպալ դպրոցները, վճարելով անօթեւանների կարիքների, նաեւ նահանգի ճանապարհների ու կամուրջների վերանորոգման համար։

Հիմա Նյու Յորքում հարկերն արդեն իսկ ամենաբարձրն են ԱՄՆ-ում, ու հաճախ գերազանցում են եկամուտի 40 տոկոսը։ Նահանգի օրենսդրական ժողովում դեմոկրատները արդեն հայտնել են, որ պատրաստ են աջակցել միլիարդատերերի նախաձեռնությունը։