նախընտրելի դարձնելXIX դարավերջից ի վեր առաջին անգամ Մեծ Բրիտանիան մեկ աշխատանքյաին օրվա ընթացում քարածխով արտադրվող էլեկտրաէներգիա չի օգտագործել, հաղորդում է BBC-ն:
Էլեկտրահաղորդման գծերի բրիտանական օպերատորի տվյալներով՝ ապրիլի 21-ը շրջադարձային է քարածուխից մինչեւ 2025 թվականը փուլային կարգով հրաժարվելու ծրագրում:
Քարածուխը համարվում է միջավայրի աղտոտման ամենամեծ աղբյուրներից մեկը, եւ քարածխի միջոցով էլեկտրաէներգիայի արտադրությունը ոչ եկամտաբեր է դարձել՝ արտանետումների համար մեծ հարկերի գանձման պատճառով:
Բրիտանիան աստիճանաբար անցնում է էներգիայի վերականգնվող միջոցների՝ քամու, արեւի էներգիայի օգտագործման: Քարածխի օգտագործումից լիակատար հրաժարումը նախատեսվում է 2025 թվականին:
2015 թվականին Մեծ Բրիտանիայում փակվել է վերջին խորը քարածխի հանքը: Բայց մի քանի հանքեր դեռ շարունակում են գործել:
