Հայտնի են դարձել Երեւանի ավագանու ընտրությունների առաջին արդյունքները Կենտրոն վարչական շրջանում։NEWS.am-ի թղթակցի փոխանցմամբ՝ N9 ընտրական հանձնաժողովն արդեն մշակել է Կենտրոն ու Նորք Մարաշ վարչական շրջանների 60 ընտրատեղամասերից 10-ի արդյունքները։ 66․2 տոկոսով (4139 ձայն) առաջատար է ՀՀԿ-ն։ Երկրորդ տեղում է «Ելք» ընդդիմադիր դաշինքը՝ 23․1 տոկոսով (1446)։ «Երկիր ծիրանի» ընդդիմադիր կուսակցությունն ունի ձայների 10․5 տոկոսը (659)։