նախընտրելի դարձնել
Մանչեսթերի բնակիչ Սալման Աբեդին, որին կասկածում են պայթյունն իրականացնելու մեջ, դրանից մի քանի օր առաջ էր վերադարձել Լիբիայից, հաղորդում է BBC-ն:
Աբեդիի դպրոցական ընկերը Times-ին ասել է, որ Աբեդին մեկնել էր Լիբիա երեք շաբաթ առաջ եւ ահաբեկչությունից մի քանի օր առաջ էր վերադարձել:
Նախօրեին ոստիկանությունը հայտարարել էր, որ 22-ամյա կասկածյալը ծնվել է Մանչեսթերում, իսկ նրա ընտանիքը ծագումով Լիբիայից է:
Ոստիկանությունն ու հատուկ ծառայությունները փորձում են պարզել՝ արդյո՞ք նա պատրաստություն է անցել ջիհադականների ճամբարում, որտեղ գործում է «Իսլամական պետությունը»:
ԻՊ-ն նախօրեին ստանձնել է «Մանչեսթեր Արենա»-ում պայթյունի պատասխանատվությունը: Որոշ տվյալներով՝ Աբեդի ծնողներն այս պահին դարձյալ բնակվում են Լիբիայում:
Ոստիկանությունը հայտարարել է, որ հիմա հարկավոր է հասկանալ, արդյո՞ք ահաբեկիչը միայնակ է գործել, թե՞ ունեցել է համախոհներ:
Ահաբեկչությանը մասնակցության կասկածանքով երեքշաբթի 23-ամյա երիտասարդ է ձերբակալվել:
