Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության գործով այսօր` հուլիսի 10-ին, Ավան եւ Նոր Նորք վարչական շրջանների ընդհանուր իրավասության դատարանում նիստը հետաձգվեց: Ամբաստանյալներից Վարազդատ Սաֆարյանը հայտարարեց, որ հրաժարավում է  իր շահերի պաշտպաններ Հովհաննես Սարգսյանից եւ Ինգա Ավագյանից: Վարազդատ Սաֆարյանը նշեց, որ իր պաշտպաններից հրաժարվելու որեւէ պատճառ չկա, ուղղակի ինքն է այդպես ցանկանում:

Դատարանը որոշեց նիստը հետաձգել: Հաջորդ դատական նիստը տեղի կունենա հուլիսի 17-ին:

Հայկազ Բարսեղյանի սպանության համար մեղադրվում են նրա համակուրսեցիները` կուրսանտներ Գնել Թեւոսյանը, Նորիկ Սահակյանը, Վաչե Սահակյանը եւ Մովսես Ազարյանը։ Ըստ մեղադրանքի՝ նրանք 2015թ. հունվարի 29-ին՝ ժամը 02:00-ից 03:00-ի սահմանում, զորամասի ննջարանում դաժանությամբ սպանել են կուրսանտ Հայկազ Բարսեղյանին, ապա հետքերը թաքցնելու նպատակով կախել նրա մարմինը մարզահրապարակում գտնվող պտտաձողից, նրա անունից գրություն թողել, թե իբր ինքնասպան է եղել: Ամբաստանյալներն իրենց մեղավոր չեն ճանաչում։