Բելառուսի առաջնորդ Ալեքսանդր Լուկաշենկոն հայտարարել է, որ Բելառուսը պետք է իր մասին բարձրաձայնի միջազգային ապսարեզում՝ հանուն Մինսկի ինքնիշխանության ամրապնդման, փոխանցում է БелТА-ն։

«Բելառուսի զարգացման ժամանակակից փուլը պահանջում է նորովի առաջ մղել արտաքին քաղաքական ու արտաքին տնտեսական գործունեությունը։ Կարծում եմ՝ ժամանակն է, որ մեր մասին բարձրաձայնենք համաշխարհային ասպարեզում», -ասել է նա։

Նախագահն ընդգծել է, որ ազգային շահերն ավելի ակտիվորեն պաշտպանել ու առաջ մղել անհրաժեշտ է «ոչ թե հանուն ինչ-ինչ հավակնությունների, այլ հանուն ինքնիշխան ու անկախ պետության ամրապնդման»։