նախընտրելի դարձնելՎլադիմիր Պուտինը ՌԴ ԱԳ նախարարությանը կհանձնարարի ամերիկյան դատարան դիմել՝ ԱՄՆ-ում ռուսական դիվանագիտական սեփականության առգրավման խնդրի հետ կապված, փոխանցում է «ՌԻԱ Նովոստի»-ն։
«Նախ ԱԳՆ-ին կհանձնարարեմ դատարան դիմել, տեսնենք, թե ամերիկյան գովելի դատական համակարգը որքան արդյունավետ է աշխատում»,-ասել է ՌԴ նախագահը ԲՐԻԿՍ գագաթնաժողովն ամփոփող մամուլի ասուլիսի ժամանակ։
Պուտինի խոսքով՝ Վաշինգտոնը Ռուսաստանին զրկել է երկրին պատկանող գույքից օգտվելու հնարավորությունից։ «Դա ռուսական կողմի գույքային իրավունքների ակնհայտ խախտում է»,-ընդգծել է նա։
«Ինչ վերաբերում է շենքերին ու կառույցներին, իսկապես դա աննախադեպ բան է։ Որպես Պետերբուրգի համալսարանի իրավաբանական ֆակուլտետի շրջանավարտ՝ կարող եմ ասել, որ ցանկացած իրավաբան ձեզ կասի՝ սեփականության իրավունքը բաղկացած է երեք տարրից՝ տիրելու, օգտագործելու եւ տնօրինելու իրավունքից»,-հավելել է ՌԴ առաջնորդը։
