նախընտրելի դարձնելՄյանմարից Բանգլադեշ փախած ռոհինջա մուսուլմանների թիվը գերազանցել է 400 հազարը։
«ՌԻԱ Նովոստի»–ի փոխանցմամբ՝ Միգրացիայի միջազգային կազմակերպությունը հայտնում է, որ 2017-ի օգոստոսի 25–ից սեպտեմբերի 15-ը Մյանմարից Բանգլադեշ փախած ռոհինջա մուսուլմանների թիվը կազմել է 409 հազար։
Ավելի վաղ ՄԱԿ հումանիտար գործակալությունը հայտնել էր 391 հազար ռոհինջա փախստականի մասին։
Նշենք, որ Բանգլադեշին սահմանակից Մյանմարի Ռաքհայնի մարզում օգոստոսի 25-ից հումանիտար ճգնաժամ է ծավալվել, երբ Մյանմարի իշխանություններն ու անվտանգության ուժերը նահանգում ռոհինջա ազգությանը պատկանող իսլամիստ գրոհայինների դեմ գործողությունների էին սկսել։
