նախընտրելի դարձնելՈւկրաինայի նախագահ Պյոտր Պորոշենկոն եւ ԱՄՆ պետքարտուղար Ռեքս Թիլերսոնը հեռախոսազրույցի ընթացքում Ուկրաինայի եւ ԱՄՆ միջեւ ռազմավարական գործընկերության ուժեղացման մասին են քննարկել:
Ուկրաինայի նախագահի մամուլի ծառայության համաձայն՝ կողմերը գոհունակություն են հայտնել Նյու Յորքի հանդիպման ժամանակ Ուկրաինայի եւ ԱՄՆ նախագահների միջեւ ձեռք բերված պայմանավորվածությունների կատարման կապակցությամբ:
Պյոտր Պորոշենկոն եւ Ռեքս Թիլերսոնը հատուկ ուշադրություն են հատկացրել «օկուպացված տարածքներում եւ ռուսական բանտերում պատանդների ազատ արձակման» հարցի վրա:
Բանակցությունների ընթացքում քննարկվել է Ուկրաինայում կատարվող բարեփոխումների ընթացքը: Մասնավորապես, նշվել է առողջության, կրթության, կենսաթոշակային եւ կոռուպցիայի դեմ պայքարի բարեփոխումների կարեւորությունը:
