նախընտրելի դարձնելՄեքսիկական Սոնորա նահանգում հատուկ գործողության արդյունքում մարիխուանայի լիցքերով կրակող ինքնաշեն թնդանոթ է առգրավվել: Այդ մասին հայտնում է RT-ն՝ հղում անելով Տարածաշրջանի գլխավոր դատախազության հայտարարությանը:
Այն օգտագործվել է ԱՄՆ տարածքում թմրանյութերի մատակարարման համար:
Նշվում է, որ մոտ 3,5 մետր երկարություն եւ մոտ կես մետր տրամաչափ ունեցող սարքն ունի կոմպրեսոր եւ տեղադրված է եղել փոքր ավտոֆուրգոնի տանիքին:
Ռեյդն անցկացվել է Ագուա Պրիետա քաղաքում, որը տեղակայված է Արիզոնայի Դուգլաս քաղաքի սահմանի մոտ:
Դրանից բացի, Մեքսիկայի իշխանություններն առգրավել են ավելի քան 800 կիլոգրամ մարիխուանա, որի մի մասն արդեն լիցքավորված է եղել սարքավորման մեջ: Ոստիկաններն առգրավել են նաեւ մի քանի հազար կտոր ռազմամթերք: Ձերբակալվածների մասին չի հաղորդվում:
