Եվրոպայի Խորհրդի Խորհրդարանական վեհաժողովի ամառային նստաշրջանում Ադրբեջանի վերաբերյալ մի շարք լուրջ հարցեր կքննարկվեն: Այդ մասին Trend-ին ասել է խորհրդարանական միջազգային հարաբերությունների եւ միջխորհրդարանական կապերի հանձնաժողովի նախագահ Սամեդ Սեիդովը:

Քննարկվող հարցերի թվում կլինեն ապրիլի 11-ին Ադրբեջանում կայացած նախագահական ընտրությունները: «Այս հարցը կքննարկվի նստաշրջանի առաջին օրը: Նախագահական ընտրություններն ավարտվել են մի քանի ամիս առաջ, բայց հետաքրքիր է, որ այդ հարցը այժմ է քննարկվելու: Ադրբեջանական պատվիրակությունը այս թեմայով ելույթով հանդես կգա եւ կներկայացնի իր դիրքորոշումը», - ասել է Սեիդովը: Նա հիշեցրել է, որ ՄԱԿ-ում որոշ ժամանակ առաջ քննարկվել են նախագահական ընտրությունները:

«Ադրբեջանը անհանգստացած է եւս մեկ հարցով, նրանք ուզում են օրակարգում ընդգրկել մարդու իրավունքների կոմիտեի քաղաքական հարցերով զեկուցողի նշանակումը: Զեկուցողի նշանակումը ոչ կառուցողական մոտեցում է», - ասել է Սեիդովը:

Հիշեցնենք, որ ավելի վաղ Փարիզում կայացած լսումների արդյունքում ԵԽԽՎ-ի ընթացակարգային հանձնաժողովը ԵԽԽՎ չորս անդամների դեմ պատժամիջոցների մասին որոշում էր կայացրել, որոնք հիշատակվել էին  կազմակերպությունում կոռուպցիայի պահանջների վերաբերյալ Անկախ քննչական մարմնի նախկինում հրապարակված զեկույցում: Պատժամիջոցները կիրառվել են Պեդրո Ագրամունտի (Իսպանիա)՝ 10 տարի ժամկետով, Սեզարա Ֆլորինա Պրեդի (Ռումինիա), Սամեն Սեիդովի (Ադրբեջան) եւ Խորդի Կսուկլի (Իսպանիա) հանդեպ՝ երկու տարի ժամկետով: Վերոնշյալ անձինք կմնան ԵԽՎՎ անդամներ եւ ելույթների իրավունք կունենան: