Երեւան-Էջմիածին ավտոճանապարհի 10-րդ  կիլոմետրի հատվածում` փետրվարի 23-ին, ժամը 01:00-ի սահմաններում  տեղի է ունեցել ավտովթար: «ՎԱԶ- 2106» մակնիշի 26 ՏՏ 982 համարանիշի ավտոմեքենան բախվել է «ՎԱԶ-2107» մակնիշի 11 ՍՏ 312 համարանիշի ավտոմեքենային:

Միջադեպի հետեւանքով  «ՎԱԶ-2107»  ուղեւոր Մարիա Չոբանյանը մարմնական տարբեր վնասվածքներով տեղափոխվել է Հանրապետական ծննդատուն: Մարիա  Չոբանյանը հղի է եղել եւ ծննդաբերել է կեսարյան հատման միջոցով:

Հիվանդանոցից NEWS.am-ին հայտնեցին, որ Չոբանյանն այժմ վերակենդանացման բաժանմունքում եւ իրեն լավ է զգում: Թե ինչ սեռի է երեխան` պարզել չհաջողվեց:

Ոստիկանությունից հայտնեցին, որ ավտովթարի հետեւանքով ոստիկանության Վաղարշապատի քննչական բաժնում նյութեր են նախապատրաստվում, իսկ վթարված մեքենաները  տուգանային հրապարակ են տեղափոխվել: