նախընտրելի դարձնել
Ֆինանսական կառույցներին կոչ է արվում վարկերի մարումների մասով տալ անհատական լուծումներ։ Այս մասին հայտնել է ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան գրառմամբ։
«Բանկերի և վարկային կազմակերպությունների վերաբերյալ
Ֆինանսավարկային և բյուջետային մշտական հանձնաժողովի այսօրվա փակ քննարկման ժամանակ կենտրոնական բանկի, բանկերի, վարկային կազմակերպությունների միությունների ներկայացուցիչների հետ քննարկվեց ֆինանսատնտեսական ճգնաժամի հետևանքով վարկառուների վարկերի մարումների հնարավոր խնդիրների լուծման ուղիները և գործողությունները։
Մասնավորապես, կենտրոնական բանկը, բանկերի միությունը և վարկային կազմակերպությունների միությունը հանդես եկան հայտարարությամբ, համաձայն որի ֆինանսական կառույցներին կոչ է արվում հատկապես խոցելի ոլորտների վարկառուների վարկերի մարումների մասով տալ անհատական լուծումներ՝ ժամկետի երկարաձգում, գրաֆիկի փոփոխություն, մարման հետաձգում։
Հղումը՝ մեկնաբանության մեջ։
Արդեն բազմաթիվ բանկեր և վարկային կազմակերպություններ հանդես են եկել համապատասխան նախաձեռնությամբ։ Հնարավոր խնդիրների դեպքում, վարկառուները կարող են դիմել նաև կենտրոնական բանկ։
Միևնույն ժամանակ, կարևոր է փաստել, որ Հայաստանի ֆինանսական կայունությանը որևէ վտանգ չի սպառնում, բանկերն ունեն բավարար իրացվելիություն սպասարկելու հաճախորդներին։
Ֆինանսական համակարգում տեղի ունեցող իրադարձությունները իմ ուշադրության կենտրոնում են ամեն պահ և նոր քայլերի անհրաժեշտության դեպքում կիրականացվեն համապատասխան նախաձեռնություններ։
Հարգելի քաղաքացիներ և տնտեսվարողներ ,
վերոնշյալ կարգավորումների հետ կապված խնդիրներ արձանագրելու պարագայում կարող եք կապ հաստատել ԿԲ՝ թեժ գծի միջոցով (011 561954, 011 563950, 010 592697), բանկերի և վարկային կազմակերպությունների միությունների հետ»,- գրել է նա։
