նախընտրելի դարձնել
Պերմի ազգային հետազոտական պոլիտեխնիկական համալսարանի (Պերմի պոլիտեխնիկ) մասնագետները նեյրոցանցի հիման վրա խելացի համակարգ են ստեղծել, որը կանխատեսում է ջրամատակարարման համակարգերի սարքավորումների հնարավոր խափանումները եւ դրանց մասին նախազգուշացնում ինժեներներին: Այս մասին այսօր ՏԱՍՍ-ին հայտնել են բուհի մամուլի ծառայությունից:
«Պերմի պոլիտեխնիկի գիտնականները մշակել են համակարգ, որը արհեստական ինտելեկտի տեխնոլոգիաների միջոցով կոմունալ ծառայություններին թույլ կտա նվազեցնել ջրամատակարարման եւ ջրահեռացման ոլորտում սարքավորումների անսարքության ռիսկերը: Նեյրոցանցը վերլուծում է սարքավորումների այնպիսի պարամետրերը, ինչպես պոմպի թրթռումների հաճախականությունը եւ ամպլիտուդը եւ, հաշվի առնելով այլ գործոններ՝ կանխատեսում է այդ տվյալների փոփոխությունները կարճաժամկետ եւ երկարաժամկետ հեռանկարում: Եթե դրանք չեն համապատասխանում նորմային, ապա համակարգը այդ մասին տեղեկացնում է անձնակազմին»,- ՏԱՍՍ-ին հայտնել են բուհից:
Հետագայում նման «խելացի համակարգերը» կարող են ներկառուցվել ջրամատակարարման ընկերությունների IT ենթակառուցվածքներում, կարծում են մշակման հեղինակները: Դրանք թույլ կտան մեծացնել սարքավորումների շահագործման արդյունավետությունը եւ նվազեցնել ծախսերն ու մարդկային կորուստները վթարների դեպքում, որոնք կարող են հազար անգամ գերազանցել ժամանակին կատարված վերանորոգման ծախսերը:
