Վերջերս առողջապահության նախարար Հարություն Քուշկյանն այցելել է Առողջապահության ազգային ինստիտուտ, որը երկար տարիներ տնօրինում էր Դերենիկ Դումանյանը, տեղեկացնում է «Հրապարակ»-ը։ Թերթի` Առողջապահության ինստիտուտին մոտ կանգնած աղբյուրների փոխանցմամբ՝ Քուշկյանը խիստ դիտողություն է արել Դումանյանին շենքի անմխիթար վիճակի պատճառով։ Նախարարի զայրույթն են հարուցել հատկապես քայքայված պատերին առաջացած անցքերը։ Նշենք, որ Դումանյանն այժմ Մխիթար Հերցու անվան պետական բժշկական համալսարանի ռեկտորն է։