նախընտրելի դարձնել
Ամեն ինչ անում ենք՝ պարենային անվտանգությունը բարելավելու եւ պաշարներն ավելացնելու համար։ Այս մասին մարտի 24-ին լրագրողների հետ զրույցում ասաց էկոնոմիկայի նախարար Վահան Քերոբյանը։
Նա պարզաբանեց, որ պարարտանյութերի գնման գները սուբսիդավորելու մասին կառավարության որոշման մասով այժմ հայտերի հավաքագրում է իրականացվում։ «Բացի այդ, արդյունքներն ամփոփվում են մարզպետարաններում, եւ պայմանագրեր են կնքվում մատակարարների հետ»,- հավելեց Քերոբյանը։
Նա վստահեցրեց, որ էկոնոմիկայի նախարարությունն ամեն ինչ անելու է, որպեսզի ապահովի տնտեսական աճը թիրախային 7 տոկոս մակարդակում։
