նախընտրելի դարձնելՎարշավայում ավարտված հունահռոմեական ըմբշամարտի Եվրոպայի պատանեկան առաջնության վերջին օրը Հայաստանի հավաքականը նվաճեց երկու արծաթե, մեկ բրոնզե մեդալ:
Երկու եզրափակիչներում էլ Հայաստանի ներկայացուցիչները պարտվեցին ադրբեջանցիներին:
46 կգ քաշային Ալբերտ Վարդանյանը եզրափակիչում պարտվեց Քարիմ Ջաֆարովին:
54 կգ քաշային կարգում Կարեն Ասլանյանը ոսկե մեդալի համար գոտեմարտում պարտվեց Մուրադ Մամադովին:
63 կգ քաշային Արմեն Հակոբյանը նվաճեց բրոնզե մեդալ:
Առաջնության առաջին օրը Հայաստանի հավաքականը նվաճել էր մեկ ոսկե, երկու բրոնզե մեդալ:
69 կգ քաշային կարգի եզրափակիչում Սարգիս Քոչարյանը հաղթեց ռուսաստանցի Դմիտրի Կեսոպուլոյին եւ արժանացավ ոսկե մեդալի: 50 կգ քաշային Գեւորգ Ղարիբյանն ու 85 կգ քաշային Կարեն Աբգարյանը գրավեցին երրորդ տեղը:
Հայաստանի հավաքականը թիմային հաշվարկում գրավեց 4-րդ տեղը` առաջ թողնելով Ռուսաստանի, Ադրբեջանի եւ Վրաստանի թիմերին:
