Ֆրանսիական GH Mumm գինեգործարանը հինգ տարվա մշակումներից եւ փորձարկումներից հետո ներկայացրել է աշխարհում առաջին շամպայնը, որը կարելի է խմել անկշռության պայմաններում: Փրփրուն Mumm Cordon Rouge Stellar-ի շիշը Միջազգային տիեզերակայան կուղարկվի 2023 թվականին Axiom Space անձնակազմի հետ, գրում է Daily mail-ը:

Շամպայնի մեջ կան հասած դեղին մրգերի, դեղձի, չրերի, պնդուկի, պրալինի, վանիլի նոտաներ: Շամպայնը լիովին համապատասխանում է Ֆրանսիայի տիեզերական հետազոտությունների ազգային կենտրոնի պահանջներին։ Ըմպելիքի գինը դեռ որոշված ​​չէ։

Mumm Cordon Rouge Stellar շիշը պատված է պաշտպանական շերտով՝ ավիացիոն ալյումինից։ Խցանը պահում է չժանգոտվող պաղպատից հատուկ փականը։

Ըմպելիքը դուրս է գալիս փրփուրի տեսքով։

Գինու գործարանը շամպայնը փորձարկել է Airbus-ով պարաբոլիկ թռիչքի ժամանակ: Փորձարկումները հաջող են անցել։ Ստեղծողները հույս ունեն, որ շամպայնը կօգնի տիեզերագնացներին եւ տիեզերական զբոսաշրջիկներին համտեսել աշխարհիկ կյանքի համը նույնիսկ Երկրից հեռու: