Հոկտեմբերին ԱՄՆ-ի արտադրությունը մոտեցել է ստագնացիայի, քանի որ պատվերները հինգ ամսում չորրորդ անգամ են կրճատվում:

Մատակարարումների կառավարման ինստիտուտի արտադրական ակտիվության ցուցանիշը նվազել է 0,7 կետով՝ հասնելով 50,2-ի՝ 2020 թվականի մայիսից ամենացածր մակարդակին։ Bloomberg-ի անցկացրած հարցման մեջ տնտեսագետների միջին կանխատեսումը ենթադրել էր մինչեւ 50 անկում, արժեք, որը բաժանում է ընդլայնումն ու կրճատումը:

Արտադրության ընդհանուր ինդեքսն անկում է ապրել վերջին հինգ ամսից չորսի ընթացքում, եւ զեկույցում ներկայացված պահանջարկի որոշ թվեր հոկտեմբերին ցույց են տվել ուղղակի անկում: Նոր պատվերները նվազել են, կուտակումները 2020 թվականի կեսերից ի վեր ամենացածր մակարդակում են, իսկ արտահանման պատվերները նվազում են արդեն երեք ամիս։

Զեկույցն ավելացնում է համաշխարհային ռեցեսիայի վերաբերյալ աճող մտահոգությունների վկայությունները, քանի որ կենտրոնական բանկերը, այդ թվում՝ Դաշնային պահուստային համակարգը, ակտիվացնում են գնաճի դեմ պայքարը: Ակնկալվում է, որ ԴՊՀ-ն եւս 75 բազիսային կետով կբարձրացնի իր բազային տոկոսադրույքը:

Արտադրական արդյունաբերության տասը ճյուղեր հայտնել են հոկտեմբերին կրճատումների մասին, առաջին հերթին՝ կահույքի, փայտե իրերի, թղթե արտադրանքի եւ տեքստիլի արտադրության մեջ: Ընդլայնվել է ութ ոլորտ, ներառյալ հագուստի, մեքենաների եւ տրանսպորտային սարքավորումների արտադրությունը։

Վերջին ամիսներին արտադրողները նկատում են նավթի, մետաղների եւ արտադրության համար օգտագործվող այլ ապրանքների գների անկում։