Nongfu Spring շշալցված ջուր արտադրող ընկերության տնօրեն Չժուն Շանշանը գլխավորել Է Չինաստանի ամենահարուստ մարդկանց ցուցակը։ Այս մասին ասվում է «Խուժուն» հետազոտական կազմակերպության զեկույցում։

68-ամյա Շանշանը երկրորդ տարին անընդմեջ գլխավորում է ամենահարուստ չինացիների ցուցակը ։ Նրա կարողությունը մեկ տարում աճել է 17 տոկոսով ՝ հասնելով 65 միլիարդ դոլարի ։

35 միլիարդ դոլար կարողությամբ երկրորդ տեղում է ByteDance ընկերության 39-ամյա հիմնադիր Չժան Իմինը, որին պատկանում է TikTok հավելվածը։ Վերջին մեկ տարում նրա կարողությունը նվազել է 28 տոկոսով։

Երրորդ տեղում է  «մարտկոցների արքան»՝  վառելիքային էլեմենտների եւ լիթիում-իոնային մարտկոցների խոշորագույն արտադրող CATL-ի հիմնադիր 54-ամյա Ցզեն Յույցյունը, որի կարողությունը գնահատվում է 32,9 միլիարդ դոլար։ Մեկ տարում նա 28 տոկոսով աղքատացել է:

Չինական խոշորագույն Alibaba Group ինտերնետ ընկերության հիմնադիր 58-ամյա Ջեք Ման, որը 2020 թվականին ճանաչվել է Չինաստանի ամենահարուստ մարդը, այս տարի 25,7 միլիարդ դոլար կարողությամբ իններորդ տեղում է։  Նա մեկ տարում աղքատացել է 29 տոկոսով։