նախընտրելի դարձնել
ԱՄՆ Դեմոկրատական կուսակցությունը Սենատում 50 տեղ է ստացել` այդպիսով պահպանելով Կոնգրեսի վերին պալատի վերահսկողությունը։ Այս կանխատեսումը ներկայացրել է CNN-ը։
Լրագրողների տվյալներով՝ դեմոկրատներին հաջողվել է 50 մանդատ ստանալ Նեւադա նահանգում իրենց թեկնածու Քեթրին Կորտես-Մաստրոյի հաղթանակից հետո։ Հանրապետականներն այս պահին ունեն 49 մանդատ։
CNN-ը նշում է, որ քվեաթերթիկների 96%-ի հաշվարկով Կորտես-Մաստրոն գերազանցում է հանրապետական մրցակից Ադամ Լաքսալտին՝ 0,5%-ով, որը մոտ 5000 ձայն է։
Սենատում եւս մեկ տեղի ճակատագիրը կորոշվի դեկտեմբերին՝ Ջորջիա նահանգում կայանալիք ընտրությունների երկրորդ փուլի արդյունքներով։
Դեմոկրատները պետք է վերահսկեն Սենատում 100 տեղից 50-ը, քանի որ վերին պալատը գլխավորում է Դեմոկրատական կուսակցության ներկայացուցիչ, ԱՄՆ փոխնախագահ Քամալա Հարիսը։
