Բնապահպանության և ընդերքի տեսչական մարմնի աշխատակիցները դիտարկում են իրականացրել Արմավիրի մարզի Արաքս համայնքում գործող «Լիլի-Արման» և  «Հասինէդ» ՍՊԸ-ներին պատկանող ավազի լվացման կետերում ու արձանագրել խախտումներ։

Տեսչական մարմնից NEWS.am-ին հայտնում են, որ «Լիլի-Արման» ՍՊԸ-ն ջրառ է կատարել տարածքում առկա գործող ապօրինի ստորերկրյա խորքային 2 հորից՝ առանց համապատասխան ջրօգտագործման թույլտվության։

«Հասինէդ» ՍՊԸ-ն ևս չունենալով համապատասխան ջրօգտագործման թույլտվություն շահագործել է ապօրինի ստորերկրյա խորքային 1 հոր։

Տեսչական մարմնի Արմավիրի տարածքային բաժնի պետի որոշումներով կասեցվել է  բոլոր ապօրինի խորքային հորերի շահագործումը։