Վաղը, հոկտեմբերի 11-ին Երեւանի ժամանակով 22:45-ին Դուբլինում Հայաստանի հավաքականն իռլանդացիների հետ կանցկացնի Եվրո-2012-ի ընտրական մրցաշարի վերջին հանդիպումը:

Խաղից առաջ Իռլանդիայի հավաքականի գլխավոր մարզիչ Ջովանի Տրապատոնին հայտարարել է, որ հայերին հաղթելու համար անհրաժեշտ է հարյուրտոկոսանոց կենտրոնացում:

«Ինձ չեն զարմացնում Հայաստանի հավաքականի ելույթներն այս ընտրական շրջափուլում: Նրանց կազմում հանդես են գալիս ուժեղ առաջնություններում ելույթ ունեցող խաղացողներ, իսկ մեր ֆուտբոլիստները ներկայացնում են Անգլիայի առաջնության երկրորդ դիվիզիոնը:

Հայաստանի հետ խաղում հաջողության հասնելու համար մենք պետք է խաղանք հարյուր տոկոս կենտրոնացած եւ ոչ մի վայրկյան պետք է թույլ չխաղանք: Հայկական թիմը շատ ուժեղ է: Հայերը ավելի շատ գոլ են խփել, քան մենք: Այդ պատճառով մենք շատ ուշադիր պետք է լինենք:

Ես իմ խաղացողներին ասել եմ, որ օրինակ վերցնեն Մանչեսթեր Յունայթեդից: Մենք չունենք այդ մակարդակի ֆուտբոլիստներ, սակայն պետք է գործենք նույն ոճով: Այդ դեպքում մենք կհասնենք հաջողության», - Տրապատոնիի խոսքը մեջբերում է Sky Sports-ը:

B խմբում երկրորդ տեղ գրավելու եւ անցումային հանդիպումների մասնակցելու համար Հայաստանի հավաքականին անհրաժեշտ է միայն հաղթանակ:

 

Խ

Հ

Ո

Պ

Գ

Մ

1. Ռուսաստան

9

6

2

1

11-4

20

2. Իռլանդիա

9

5

3

1

13-6

18

3. Հայաստան

9

5

2

2

21-8

17

4. Սլովակիա

9

4

2

3

6-9

14

5. Մակեդոնիա

9

2

1

6

7-13

7

6. Անդորա

9

0

0

9

1-19

0