նախընտրելի դարձնել
Կանբերայից ավստրալացի բժիշկներն առաջին անգամ կենդանի որդ են հանել մարդու ուղեղից, գրում է Guardian թերթը՝ վկայակոչելով քաղաքային հիվանդանոցի վարակաբան Սանյայու Սենայակեին: Այս մասին հայտնում է РИА Новости-ն։
«Ophidascaris robertsi-ն կլոր որդ է, որը հայտնաբերվել է պիթոնների մոտ: Կանբերայի հիվանդն աշխարհում առաջին դեպքն էր, երբ այս մակաբույծը հայտնաբերվել է մարդու մոտ»,- նշում է հրատարակությունը։
Guardian-ի փոխանցմամբ՝ ութ սանտիմետրանոց որդը հանել են 64-ամյա հիվանդից, ով առաջին անգամ օգնություն է խնդրել 2021 թվականին։ Այն ժամանակ նա բողոքում էր որովայնի ցավից, փորլուծությունից, մշտական չոր հազից, ջերմությունից և գիշերային քրտնարտադրությունից։ 2022 թվականին ախտանշաններին ավելացավ մոռացկոտությունն ու դեպրեսիան, ինչի պատճառով կնոջն ուղարկեցին ուղեղի ՄՌՏ հետազոտության։ Հայտնաբերվել են վիրահատություն պահանջող շեղումներ։
Սենայակեի խոսքով՝ որդը սովորաբար հանդիպում է գորգի պիթոնների մեջ, որոնք հենց ապրում են հիվանդի տան մոտ։ Որդը հավանաբար եղել է խոտերի մեջ, որը կինը հավաքել է որպես ուտելիք։
Բժիշկը հավելեց, որ Ophidascaris ճիճվով վարակը մարդուց մարդու չի փոխանցվում և չի առաջացնի այնպիսի համաճարակ, ինչպիսին է COVID-19-ը կամ Էբոլան։
«Սակայն այս օձն ու մակաբույծ ապրում են աշխարհի այլ մասերում, ուստի ապագայում այլ դեպքեր կհայտնաբերվեն այլ երկրներում»,- ասաց նա։
