Մեծ Բրիտանիայի վարչապետ Ռիշի Սունակը հայտնել է, որ Չինաստանի դիրքորոշման պատճառով G20-ի մասնակից երկրները դեռ համաձայնության չեն եկել ուկրաինական եւ կլիմայական հարցերում, տեղեկացրել է Bloomberg գործակալությունը։

Սունակը տեղեկացրել է, որ քանի որ Չինաստանն առարկում է գագաթաժողովի երկու գլխավոր հարցերում (իրավիճակն Ուկրաինայում եւ կլիմայական հարցում) G20-ի երկրները պետք է դեռ համաձայնության գան համատեղ հայտարարության վերաբերյալ Նյու Դելիում երկօրյա գագաթաժողովից հետո, տեղեկացրել է գործակալությունը։ «Մենք դեռ նպատակին չենք հասել»,- գործակալությունը մեջբերել է Սունակի խոսքերը։ Մեծ Բրիտանիայի վարչապետը կառավարական պաշտոնյաների միջեւ ներկա բանակցություններն անվանել է «բարդ»։

Ավելի վաղ տեղեկացվել էր, որ ճեպազրույցում Չինաստանի ԱԳՆ պաշտոնական ներկայացուցիչ Մաո Նինը հայտնել էր, որ Քսանյակի խմբի գագաթաժողովը գլխավորապես նպատակ ունի քննարկել համաշխարհային տնտեսության հարցերը։ Նա նաեւ հավելել էր, որ «ուկրաինական հարցում» Չինաստանի դիրքորոշումը հետեւողական է եւ շատ հստակ»։

Անցած տարվա նոյեմբերին դաժան վեճերը Բալիում G20-ի գագաթաժողովի մասնակիցների միջեւ հանգեցրին ամփոփիչ հռչակագրի ընդունմանը, որը վերաբերում է Ուկրաինայում ռազմական գործողությունների դատապարտմանը։