նախընտրելի դարձնել
Ֆինլանդիայի խորհրդարանը որոշել է անվստահություն չհայտնել երկրի կառավարությանը, որն առաջարկել էր ֆիննական ընդդիմությունը՝ ռասիզմի հողի վրա մեղադրանքների պատճառով, հայտնում է Reuters-ը։
Գործակալության տվյալներով, անվստահության քվեին աջակցել է խորհրդարանի 65 անդամ, դեմ է եղել 106-ը։ Ֆինլանդիայի խորհրդարանը կազմված է 200 պատգամավորից։
Ավելի վաղ Yle հեռուստառադիոալիքը հայտնել էր, որ Ֆինլանդիայի ընդդիմադիր քաղաքական ուժերն՝ ի դեմս Սոցիալ-դեմոկրատական կուսակցության, Ֆինլանդիայի ձախ միության և Կանաչների միության, մտադիր են անվստահություն հայտնել երկրի կառավարությանը, քանի որ նրանց կարծիքով, նախարարների կաբինետը անբավարար չափով է պայքարում ռասիզմի դեմ։
Ընդդիմության ներկայացուցիչները քննադատել են ռասիզմի և խտրականության դեմ պայքարի կառավարության ծրագիրը, որը հրապարակվել է իշխող կուսակցությունների քաղաքական գործիչների մասնակցությամբ մի շարք ռասիստական սկանդալներից հետո: Փաստաթղթում առաջարկվում է արգելել նացիստական և կոմունիստական խորհրդանիշները։
