նախընտրելի դարձնել
Իրանի արտաքին գործերի նախարարությունը եվրոպական երկրներին զգուշացրել է հետ կանգնել Իսլամական Հանրապետության դեմ զենքի մատակարարման նոր էմբարգո կիրառելու ենթադրյալ մտադրությունից, հայտնում է ԻՐՆԱ-ն։
«Լարվածություն ստեղծող միջոցների ընդունումը, անշուշտ, կբարդացնի նրանց միջև հարաբերությունների կառավարումը և բացասաբար կանդրադառնա համագործակցության գործընթացի վրա, այդ թվում՝ պատժամիջոցների չեղարկման շուրջ բանակցությունների վրա», - ասվում է Իրանի ԱԳՆ հայտարարության մեջ:
Նշվում է, որ Իրանի Իսլամական Հանրապետությունը Եվրամիության և երեք եվրոպական երկրների՝ մինչև ՀԳՀԾ-ի ութերորդ տարին իրենց պարտավորությունները չկատարելու որոշումը համարում է անօրինական և հակասող ՀԳՀԾ-ով իրենց պարտավորություններին և 2231 բանաձևին, ինչպես նաև՝ գործողություն, որը լարվածություն է ստեղծում և ուղեկցվում է չարամտությամբ։
Իրանի միջուկային գործողություններին ի պատասխան Եվրամիության և եվրոպական երեք երկրների՝ իրենց պարտավորությունները չկատարելու որոշումը լիովին զուրկ է իրավական տրամաբանությունից, քանի որ Իրանը եվրոպական կողմերին մեկ ամբողջ տարի ժամանակ է տվել՝ փոխհատուցելու ԱՄՆ-ի՝ ՀԳՀԾ պայմանագրից դուրս գալու անօրինական գործողությունը։
Իրանի չափանիշները միշտ եղել են երկրների գործողությունները, ոչ թե խոսքերը: Եվրոպական կողմերի այս գործողությունները հակասում են ՀԳՀԾ-ի վերականգնման համար անհրաժեշտ տարածք ստեղծելու փորձի մասին նրանց հայտարարություններին։
Կասկածից վեր է, որ Իրանի Իսլամական Հանրապետությունը պատշաճ կերպով և իր իրավունքների շրջանակներում կպատասխանի այս անօրինական, սադրիչ գործողությանը և ՀԳՀԾ պայմանգրով և ՄԱԿ-ի Անվտանգության խորհրդի 2231 բանաձևով պայմանավորված Եվրամիության, Ֆրանսիայի, Գերմանիայի և Անգլիայի պարտավորությունների ակնհայտ խախտմանը:
«Մենք զգուշացնում ենք եվրոպական կողմերին լարվածություն հրահրող միջոցներ չընդունել, որոնք ակնհայտորեն կբարդացնեն նրանց միջև հարաբերությունների կառավարումը և բացասաբար կանդրադառնան համագործակցության գործընթացի վրա, այդ թվում՝ պատժամիջոցների վերացման շուրջ բանակցություններում»։
Մեծ Բրիտանիան, Ֆրանսիան և Գերմանիան հայտարարել են, որ կպահպանեն Իրանի նկատմամբ բալիստիկ հրթիռների և միջուկային զենքի տարածման հետ կապված պատժամիջոցները, որոնց ժամկետը լրանալու է հոկտեմբերի 18-ին՝ 2015 թվականի Իրանի միջուկային համաձայնագրի համաձայն, ինչը կարող է Իրանի պատասխան գործողություններ հրահրել:
