նախընտրելի դարձնել
Հարավային Աֆրիկան ՄԱԿ-ին կոչ է արել արագ արձագանքման ուժեր տեղակայել՝ Գազայի խաղաղ բնակիչներին հետագա ռմբակոծություններից պաշտպանելու համար, հայտնում է Reuters-ը։
«Վերջին երեք շաբաթվա ընթացքում Գազայի հատվածում ավերվել են ընտանիքների ամբողջ սերունդներ», - ասվում է Հարավային Աֆրիկայի արտաքին գործերի նախարարության հայտարարության մեջ: «Սպանված խաղաղ բնակիչների, հատկապես երեխաների թիվը պահանջում է, որ աշխարհը ցույց տա, որ լրջորեն է վերաբերվում գլոբալ պատասխանատվությունը»,- ասվում է հայտարարության մեջ։
Հարավաֆրիկյան Հանրապետության նախագահ Սիրիլ Ռամաֆոսան ավելի վաղ առաջարկել էր իր օգնությունը՝ որպես հակամարտության կարգավորման միջնորդ։ Այս ամսվա սկզբին Հարավային Աֆրիկան նաև հայտարարել է, որ իր արտաքին գործերի նախարարը հեռախոսազրույց է ունեցել ՀԱՄԱՍ-ի առաջնորդի հետ Գազայի հատվածին օգնություն տրամադրելու վերաբերյալ՝ միաժամանակ ընդգծելով, որ չի աջակցում խմբավորմանը:
