նախընտրելի դարձնել«Հարավկովկասյան երկաթուղի» ՓԲԸ-ին երկաթուղով ուղեւորափոխադրումներից առաջացած վնասի փոխհատուցման նպատակով նախատեսվում է 2012թ. վճարել 155 մլն դրամի սուբսիդիա: Այդ մասին, այսօր` նոյեմբերի 8-ին, Ազգային Ժողովում, մշտական հանձնաժողովների համատեղ նիստում հայտարարեց տրանսպորտի եւ կապի նախարար Մանուկ Վարդանյանը: Սուբսիդիայի գումարը ՀՀ 2011թ. պետական բյուջեի համեմատությամբ նվազել է 12 մլն դրամով` Կոնցեսիոն պայմանագրի դրույթներին համապատասխան:
Պատգամավորներին հետաքրքրեց, թե ի՞նչ հիմունքներով է երկաթուղին բյուջեից սուբսիդիա ստանում: Նախարարի պարզաբանմամբ` սուբսիդիան տրվում է բացառապես ներհանրապետական ուղեւորափոխադրումների համար: «Երեւան-Բաթում գծին դա չի վերաբերում, որովհետեւ դա կոմերցիոն ծրագիր է»,-վստահեցրեց Մ. Վարդանյանը: Նրա ներկայացմամբ` սուբսիդիայի շնորհիվ «Հարավկովկասյան երկաթուղին» չի բարձրացնում ուղեւորափոխադրումների գները:
«Եթե սուբսիդիան հանում ենք, ուրեմն իրենք են սահմանում սակագները: Բայց մենք պատրա՞ստ ենք, եթե դա բարձր լինի»,-հռետորական հարց ուղղեց տրանսպորտի եւ կապի նախարարը:
