նախընտրելի դարձնելԿառավարության նախաձեռնությամբ եւ ֆինանսավորմամբ, «Հելիքս» կազմակերպությունը նախագծել է Ազգային պատկերասրահի նոր վեբ-կայքը` www.nga.am, www.gallery.am, համապատասխան ժամանակակից դիզայնով եւ վերազինված տեխնիկական հնարքներով։ Կայքին զուգահեռ ստեղծվել է նաեւ ՀԱՊ-ի հավաքածուի առանձնահատկություններին համապատասխան հատուկ Շտեմարան, որի միջոցով թվայնացվում է ՀԱՊ-ի ողջ հավաքածուն։
Ավելի քան 1,5 տարվա աշխատանքի ընթացքում ՀԱՊ-ի Հաշվառման, Հասարակայնության հետ կապերի եւ գիտական բաժինների համատեղ աշխատանքի արդյունքում ստեղծվել է ՀԱՊ-ի պատմության, հավաքածուի, գործունեության, աշխատակազմի, միջոցառումների, կրթական ծրագրերի, հրատարակումների, մասնաճյուղերի վերաբերյալ բաժինները։ Կայքը եռալեզու է՝ հայերեն, անգլերեն եւ ռուսերեն։ Ուշագրավ է կայքի Շտեմարան բաժինը, որտեղ կայքից օգտվողները կարող են այսուհետ ծանոթանալ Պատկերասրահի ողջ հավաքածուին։ ՀԱՊ-ում պահվող հավաքածուի մի մասը արդեն ներկայացված է կայքում եւ բաժինը գտնվում է համալրման փուլում եւ նախատեսված է զետեղել ողջ հավաքածուն։
Կայքի շնորհանդեսով սկսվում է նոր փուլ. այժմ էլ նույն ռիթմով շարունակվելու է նրա անընդհատ համալրման գործընթացը, ինչպես նաեւ ժամանակի ընթացքում հասարակությանը առաջարկվելու են նոր, ուսուցողական, ժամանցային եւ հետաքրքիր էջեր։
Ազգային պատկերասրահի կայքը լինելու է ժամանակակից եւ օգտվողներին արվեստին մոտեցնող դինամիկ վիրտուալ աշխարհ։ Հայ ազգային արվեստը առավել հասանելի կդառնա նաեւ օտարերկրյա այցելուներին եւ ՀԱՊ-ի կայքը մեծ դեր կկատարի այն միջազգայնորեն հանրահռչակելու գործում։
