նախընտրելի դարձնել
Իսպանիայի իրավահավասարության հարցերով նախարար Անա Ռեդոնդո Գարսիան հայտարարել է, որ Արգենտինայի նախագահ Խավիեր Մայլին առյուծ չէ, ինչպես երգում էր իր գրքի շնորհանդեսի ժամանակ, այլ բորենի։ Գերատեսչության ղեկավարի խոսքերը մեջբերել է իսպանական La Sexta հեռուստաալիքը։
Արգենտինայի առաջնորդը մայիսի 22-ին Բուենոս Այրեսի համերգասրահի բեմից երաժիշտների նվագակցությամբ երգել է La Renga խմբի երգը՝ փոփոխված բառերով։ Կոմպոզիցիան պարունակում էր «Ես թագավոր եմ, ես առյուծ եմ» տողերը։
«Երբ ես լսում եմ Միլեյին, գիտե՞ք՝ ինչ եմ մտածում: Առյուծից՝ ոչինչ»,- ասել է իսպանացի նախարարը։ «Նա բոլորիս, ներառյալ չունևորների, սոցիալական արդարության կարիք ունեցողների վրա ծիծաղող բորենի է»:
Իսպանիայի և Արգենտինայի հարաբերությունները լուրջ դիվանագիտական ճգնաժամ են ապրում, որի ընթացքում կողմերը միմյանց հասցեին տհաճ արտահայտություններ են արել։
Այս ոչ դիվանագիտական լեզվակռվի խորապատկերում Իսպանիան վերջապես իր դեսպանին հետ կանչեց Բուենոս Այրեսից։ Արգենտինայի նախագահը հունիսին այցելու է Իսպանիա, որտեղ թագավորության վերլուծական կենտրոններից մեկը նրան մրցանակ է շնորհել:
