ԱՄՆ ֆինանսների նախարար Ջանեթ Ելենը Reuters-ին տված հարցազրույցում ասել է, որ եվրոպական բանկերը Ռուսաստանում գործունեություն իրականացնելու համար աճող ռիսկերի են բախվում, և ԱՄՆ-ն մտադիր է իր երկրորդական պատժամիջոցներն ուժեղացնել այն բանկերի դեմ, որոնք, ինչպես պարզվել է, աջակցել են Ռուսաստանի ռազմական նպատակներով գործարքներին:

«Մենք դիտարկում ենք Ռուսաստանում բիզնես վարող բանկերի դեմ մեր պատժամիջոցները խստացնելու հնարավորությունը», - Reuters-ին տված հարցազրույցում ասել է Ելենը՝ հրաժարվելով մանրամասնել կամ նշել այն բանկերը, որոնք կարող են թիրախ դառնալ:

Ելենը, ելույթ ունենալով Իտալիայի հյուսիսում G7-ի ֆինանսական առաջնորդների հանդիպման շրջանակում, ասել է, որ Ռուսաստանում բանկերի գործունեության հետ կապված պատժամիջոցները կկիրառվեն միայն «եթե դրա համար հիմքեր լինեն, սակայն Ռուսաստանում գործունեությունը կապված է հսկայական ռիսկի հետ»:

Հարցին, թե նա կցանկանար, որ ավստրիական Raiffeisen Bank International-ը և իտալական UniCredit-ը դուրս գան Ռուսաստանից, Ելենն ասել է. «Կարծում եմ, որ նրանց ղեկավարները խորհուրդ են տվել այդ բանկերին խիստ զգույշ լինել իրենց գործունեության մեջ»։