Կատալոնիայի նախկին ղեկավար Կառլես Պուչդեմոնը, որը փախել էր Իսպանիայից հանրաքվեից հետո, հինգշաբթի վերադարձել է երկիր, չնայած ձերբակալման օրդերին, տեղեկացրել է АР-ը։

Նա ցուցադրաբար հայտնվել է Բարսելոնայում Բելգիա ուղեւորությունից հետո։ Իսպանիայում նրան ներկայացվել է վատնումների մեղադրանք  Իսպանիայից Կատալոնիան առանձնացնելու փորձի համար։

Պուչդեմոնը իր կարիերան նվիրել է նոր երկրի ստեղծմանը Իսպանիայի հյուսիս-արեւելքում, պայքարին, որը շարունակվում է մի քանի տասնամյակ։ Նրա անզիջում մոտեցումը հանգեցրել է քաղաքական հակամարտության անջատողական այլ կուսակցությունների, ինչպես նաեւ Իսպանիայի կենտրոնական կառավարության հետ։

Պուչդեմոնը եղել է Բարսելոնայի կենտրոնական այգում, որտեղ անջատողականների մի քանի հազար կողմնակիցներ թափահարել են կատալոնյան դրոշներ։ Միջոցառումը կազմակերպվել էր նրա «Միասին հանուն Կատալոնիայի» (Junts) քաղաքական կուսակցության կողմից։

Տեղի ոստիկանությունը օղակի մեջ է վերցրել այգու այն հատվածը, որտեղ գտնվում է Կատալոնիայի խորհրդարանը։ Պուչդեմոնը գնացել է շենք կողմնակիցների ամբոխի ուղեկցությամբ։

Առայժմ հայտնի չէ, թե ինչպես են տեղի իշխանություններն արձագանքում Պուչդեմոնի վերադարձին։