նախընտրելի դարձնել
ԱՄՆ նորընտիր նախագահ Դոնալդ Թրամփը երկուշաբթի հաստատել է, որ ծրագրում է արտակարգ դրություն մտցնել և ԱՄՆ զինված ուժերն օգտագործել՝ զանգվածային արտաքսումներ իրականացնելու համար, գրում է Axios-ը։
Թրամփը միլիոնավոր անօրինական ներգաղթյալների արտաքսելու իր խոստումը դարձրեց 2024 թվականի իր վերընտրական քարոզարշավի հիմնաքարերից մեկը, և նրա թիմն արդեն սկսել է ռազմավարություն մշակել նրա ծրագրի իրականացման եղանակները:
Social Truth սոցկայքում երկուշաբթի վաղ առավոտյան արված գրառումն առաջին դեպքն է, երբ ԱՄՆ նորընտիր նախագահը հաստատում է, թե ինչպես է իր վարչակազմը կյանքի կոչելու այդ իրարամերժ ծրագիրը:
Judicial Watch-ի պահպանողական խմբի նախագահ Թոմ Ֆիթոնն այս ամսվա սկզբին Truth Social-ում գրել էր, որ Թրամփը «պատրաստ է արտակարգ դրություն հայտարարել և ռազմական միջոցներ կօգտագործի Բայդենի ներխուժումը զանգվածային արտաքսման ծրագրով հակադարձելու համար»:
Թրամփը երկուշաբթի վերահրապարակել է Ֆիթոնի մեկնաբանությունը՝ «ՃԻՇՏ Է» մակագրությամբ։
Մոտավոր հաշվարկներով, ԱՄՆ-ում ապրում է 11 միլիոն առանց փաստաթղթերի ներգաղթյալներ: Սպասվում է, որ Թրամփի զանգվածային արտաքսումները կտարածվեն երկրի շուրջ 20 միլիոն ընտանիքների վրա:
Ներգաղթի պաշտպաններն ու իրավաբանները պատրաստվում են դատարանում պայքարել ծրագրի դեմ: ԱՄՆ նորընտիր նախագահի թիմը ձգտում է մշակել գործադիր հրամաններ, որոնք կարող են դիմակայել իրավական մարտահրավերներին՝ խուսափելու համար այն պարտությունից, որը Թրամփն առաջին ժամկետում կրեց մահմեդականների մուտքի իր արգելքից, գրում է Politico-ն:
Նրանք մտադիր են միաժամանակ դադարեցնել Կուբայից, Հաիթիից, Նիկարագուայից և Վենեսուելայից անօրինական ներգաղթյալների պայմանական վաղաժամկետ ազատման ծրագիրրը, հայտնում է Politico-ն։
