նախընտրելի դարձնել
Կանադական ուրան արդյունահանող ընկերություններն, վստահ լինելով, որ Ռուսաստանից մատակարարումների կրճատումից հետո միայն իրենք կարող են բավարարել ուրանի ԱՄՆ պահանջարկը, արագացրել են արտադրությունը և ուրանի մատակարարման համար պայմանագրեր են կնքել ամերիկյան էներգետիկ ընկերությունների հետ, սակայն այժմ անհանգստացած են ԱՄՆ նորընտիր նախագահ Դոնալդ Թրամփի հայտարարած մաքսատուրքերի հնարավոր սահմանումից, հայտնում է Reuters-ը։
Ուրանի ընկերությունների բաժնետոմսերը վերջին երկու շաբաթվա ընթացքում թանկացել են Տորոնտոյում և Նյու Յորքում այն լուրերի պատճառով, որ Ռուսաստանը մտադիր է սահմանափակել հարստացված ուրանի վաճառքն ԱՄՆ-ին: Այս շաբաթ Թրամփը սպառնացել է 25 տոկոս մաքսատուրքեր սահմանել Կանադայից և Մեքսիկայից բոլոր ապրանքների համար։
Դա կարող է հանգեցնել ռադիոակտիվ նյութերի գների բարձրացման, եթե ուրանը արտոնություններ չստանա:
Կանադան ուրանի արդյունահանմամբ աշխարհում երկրորդն է Ռուսաստանից հետո։ Կանադայի արտադրանքի մոտ 85%-ն արտահանվում է։ Ընկերությունները նշում են, որ արտադրանքը սուր պակաս է զգում։ Վանկուվերում տեղակայված ուրանի որոնմամբ զբաղվող NexGen Energy ընկերությունը դեռևս չորս տարի Կանադայում պետք է հանքարդյունաբերությամբ զբաղվի: Ընկերության պաշտոնյաները Reuters-ին հայտնել են, որ ուրանի վաճառքի հնարավոր պայմանագրերի շուրջ նախնական բանակցություններ են վարում ԱՄՆ կոմունալ ընկերությունների հետ, քանի որ նրանք պատրաստվում են մեծացնել միջուկային էներգիայի արտադրությունը՝ բավարարելու համար էլեկտրաէներգիայի աճող պահանջարկը:
Ընկերության գլխավոր առևտրային տնօրեն Թրևիս Մաքֆերսոնը նշել է, որ Կանադան և NextGen-ը, մասնավորապես, լավ վիճակում են ցանկացած սակագնային առաջարկների շուրջ բանակցելու համար:
ԱՄՆ-ն իրեն անհաժեշտ ուրանի մեկ քառորդը ներկրում է Ռուսաստանից, մնացածը հիմնականում Կանադայից, որին հաջորդում է Ղազախստանը։ 2025 թվականի նոյեմբերին ուրանի մատակարարումների գները մեկ ֆունտի դիմաց 4 դոլարից հասել են 84 դոլարի, երբ Ռուսաստանը հայտարարեց իր սահմանափակումների մասին, հայտնել է UxC հետազոտական և խորհրդատվական ընկերությունը: Կանադացի լեռնաարդյունաբերական Cameco ընկերությունը՝ աշխարհի խոշորագույն ուրանի հանքարդյունաբերողներից մեկը, Reuters-ին հայտնել է, որ հույս ունի Կանադայի և Միացյալ Նահանգների միջև միջուկային ապրանքների և ծառայությունների «ազատ» առևտուրը, քանի որ երկրին անհրաժեշտ են ուրանի վառելիքի հուսալի մատակարարումներ Արևմուտքից՝ էներգիայի աճող կարիքներն ապահովելու համար:
