նախընտրելի դարձնել
Տուրկուի համալսարանի ֆինն գիտնականների խումբը հետազոտություն է անցկացրել, որը բացատրել է, թե ինչու են մարդիկ դժվարանում անջատել իրենց սիրելի տրեկը: Պարզվել է, որ հաճելի երաժշտությունն ազդում է մարդու ուղեղի օփիոիդային համակարգի աշխատանքի վրա։
Հետազոտության մասնակիցները լսել են իրենց սիրելի երաժշտությունը, մինչդեռ գիտնականները չափել են ափիոնային նյութերի արտազատումը նրանց ուղեղում՝ օգտագործելով պոզիտրոնային էմիսիոն տոմոգրաֆիա: Բացի այդ, օգտագործելով fՄՌՏ-ն՝ հետազոտողները հետեւել են, թե ինչպես է օփիոիդային ռեցեպտորների խտությունն ազդում ուղեղի ակտիվացման վրա երաժշտություն լսելիս:
Արդյունքները ցույց են տվել, որ սիրելի երաժշտությունն ազդում է օփիոիդների ազատման վրա ուղեղի մի քանի հատվածներում, որոնք կապված են հաճույքի հետ: Կարեւոր է, որ մասնակիցների միջեւ անհատական տարբերությունները՝ նրանց ուղեղում ափիոնային ռեցեպտորների քանակը, ազդել են հաճելի զգացողությունների ինտենսիվության վրա:
«Այս արդյունքներն առաջին ուղիղ ապացույցն են, որ երաժշտություն լսելն ակտիվացնում է ուղեղի օփիոիդային համակարգը: Օփիոիդների արտադրությունը բացատրում է, թե ինչու երաժշտությունը կարող է առաջացնել այդքան ուժեղ հաճույք, նույնիսկ եթե դա գոյատեւման կամ վերարտադրության համար անհրաժեշտ առաջնային պարգեւ չէ, ինչպես ուտելիքը կամ սեռական բավականությունը»,- նշել է է հետազոտության համահեղինակ Վեսա Պուտկինենը:
