ՆախընտրելիՈստիկանության Էրեբունիի բաժնի ծառայողները, հունվարի 12-ին, ժամը 16.30-ին, Վարդանանց փողոցի թիվ 28 շենքի բակից բերման են ենթարկել 30-ամյա Դավիթ Ղազարյանին:
Ոստիկանության մամուլի ծառայությունից NEWS.am-ին հայտնում են, որ նա 2011 թ. օգոստոսի 30-ից հետախուզվում էր ՀՀ քրեական օրենսգրքի 178 հոդվածի 2-րդ մասի 2-րդ կետի մեղադրանքով, այն է` խարդախություն, որը կատարվել է խոշոր չափերով:
Ղազարյանը տեղափոխվել է ՀՀ ԱՆ «Նուբարաշեն» քրեակատարողական հիմնարկ:
Հունվարի 12-ին, ժամը 07.00-ի սահմաներում, ոստիկանության Թալինի բաժնի ծառայողները Արագածավան գյուղից բերման են ենթարկել 33-ամյա Հրաչիկ Հակոբյանին, որը հունվարի 3-ից հետախուզվում էր գույքը դիտավորությամբ ոչնչացնելու կամ վնասելու մեղադրանքով:
Հակոբյանը կալանավորված է:
Հունվարի 12-ին, ժամը 18.10-ին, ոստիկանության Վանաձորի բաժին է ներկայացել 54-ամյա մի տղամարդ, որը հունվարի 12-ից հետախուզվում էր դիտավորությամբ առողջությանը միջին ծանրության վնաս պատճառելու մեղադրանքով:
Հունվարի 13-ին, ժամը 00.40-ին, Եկատերինբուրգ-Երեւան չվերթի ինքնաթիռի ժամանումից հետո «Զվարթնոց» օդանավակայանում հայտնաբերվել եւ ոստիկանության Եղեգնաձորի բաժին բերման է ենթարկվել 27-ամյա Գեւորգ Կարապետյանը, որը 2010 թ. նոյեմբերի 5-ից հետախուզվում էր խուլիգանության մեղադրանքով:
Կարապետյանը կալանավորված է:
