Թաիլանդի վարչապետ Անուտխին Չանվիրակունը հայտարարել է, որ չի հիշում Կամբոջայի հետ սահմանային իրավիճակի կարգավորման վերաբերյալ համատեղ հռչակագրի մասին, որը ստորագրվել էր հոկտեմբերին Կուալա Լումպուրում։

«Ոչ։ Ես չեմ հիշում այդ մասին», - ասել է նա, երբ հարցրել են, թե արդյոք հռչակագրի դրույթները վերաբերում են սահմանամերձ շրջաններում ներկայիս սրացմանը, փոխանցում է The Nation թերթը։

Կամբոջայի և Թաիլանդի վարչապետներ Հուն Մանեթը և Անուտխին Չանվիրակունը 2025 թվականի հոկտեմբերին, ԱՄՆ նախագահ Դոնալդ Թրամփի ներկայությամբ, ԱՍԵԱՆ-ի 47-րդ գագաթնաժողովի շրջանակներում, ստորագրել են համատեղ հռչակագիր, որը ձևակերպել է երկրների միջև սահմանային հակամարտության խաղաղ կարգավորման համար հետագա քայլերը։ Կողմերն ընդգծել են, որ պարտավորվում են «նպաստել լարվածության թուլացմանը, վստահության և փոխշահավետ հարաբերությունների վերականգնմանը»։