Միացյալ Թագավորությունում կնոջ բոլոր վերջույթներն անդամահատել են սեպսիսով վարակվելուց հետո։ Այս մասին հայտնում է The Telegraph-ը։

Մանջիթ Սանգան 32 շաբաթ անցկացրել է հիվանդանոցում և մի քանի սրտի կաթված ունեցել ինքնազգացողության վատացումից հետո։

Ըստ բժիշկների՝ 52-ամյա կնոջ մոտ սեպսիսը կարող էր զարգանալ այն պատճառով, որ շունը լիզել էր նրա փոքր վերքը։

Հիվանդության զարգացմանը զուգահեռ՝ վիրաբույժները ստիպված են եղել անդամահատել նրա երկու ոտքերը՝ ծնկից ներքև, երկու ձեռքերը, ինչպես նաև հեռացնել փայծաղը։