Պակիստանի տեղեկատվության նախարար Աթաուլլա Թարարը հայտարարել է սահմանային բախումների հետևանքով աֆղանցի 415 զինվորականի զոհվելու մասին։

Ըստ Թարարի խոսքով, Աֆղանստանի ևս ավելի քան 580 զինվորական վիրավորվել է։

Բացի այդ, ինչպես պնդում է Պակիստանի կառավարության ներկայացուցիչը, մարտերի արդյունքում ոչնչացվել է աֆղանական 182 հենակետ, գրավվել է 31 հենակետ, 185 տանկ և զրահամեքենա։

Նա հավելել է, որ հարվածներ են հասցվել Աֆղանստանի տարածքում գտնվող 46 կետերի։

Երկու երկրների միջև բախումները սկսվել են այն բանից հետո, երբ անցյալ հանգստյան օրերին Աֆղանստանի տարածքին Պակիստանի հասցրած օդային հարվածները հինգշաբթի օրը հրահրեցին աֆղանցիների պատասխան գործողությունները սահմանի երկայնքով։ Սա հանգեցրեց վաղուց հասունացող լարվածության էսկալացիայի, որը պայմանավորված է Պակիստանի այն պնդումներով, թե Աֆղանստանը թաքցնում է «Թալիբան» շարժման պակիստանցի գրոհայիններին։ Աֆղանստանը հերքում է դա։