Երկուշաբթի երեկոյան դրությամբ, ներկայիս ռազմական հակամարտության ընթացքում Իրանի միջուկային օբյեկտներին հասցված նոր վնասի չափը մնում է անհայտ։ Սա պայմանավորված է ԱԷՄԳ-ի, Իրանի, Իսրայելի և Միացյալ Նահանգների հակասական հայտարարություններով, գրում է Jerusalem Post-ը։

Մի կողմից, երկուշաբթի երեկոյան հայտնվեցին հաղորդագրություններ, ըստ որոնց Միացյալ Նահանգները, ենթադրաբար, խոշոր հարված է հասցրել Սպահանում գտնվող իրանական միջուկային օբյեկտին, որտեղ, ըստ ԱԷՄԳ-ի գլխավոր տնօրեն Ռաֆայել Գրոսիի, կարող է պահվել մինչև 60% հարստացված ուրանը։ Մյուս կողմից, դրա մասին որևէ հաստատում չկար, և այդ հարվածից առաջ հակամարտության առաջին երեք օրերի ընթացքում անհասկանալի էր մնում, թե արդյոք միջուկային օբյեկտները հարձակման են ենթարկվել։

Երկուշաբթի ավելի վաղ Ռաֆայել Գրոսին ԱԷՄԳ-ի կառավարիչների խորհրդին հայտարարել էր, որ ներկայում չկան ապացույցներ, որ Միացյալ Նահանգները կամ Իսրայելը օրերս հարվածել են Իրանի որևէ միջուկային օբյեկտի։ «Իրանի միջուկային օբյեկտների ներկայիս վիճակի վերաբերյալ որևէ ցուցում չունենք, որ որևէ միջուկային օբյեկտ, դրանց թվում՝ Բուշերի ատոմակայանը, Թեհրանի հետազոտական ​​ռեակտորը կամ այլ վառելիքային ցիկլի օբյեկտներ, վնասվել կամ հարվածվել են»,- ասել է Գրոսսին։

Մինչ օրս Իսրայելը բազմիցս հրաժարվել է նշել, թե որ միջուկային օբյեկտների վրա կարող է հարձակվել, չնայած նման օբյեկտները թվարկվել են անցյալ տարվա հունիսին Իրանի հետ պատերազմի ժամանակ։

Նմանապես, ԱՄՆ-ը հրապարակել է իր թիրախների ցուցակները, սակայն միջուկային օբյեկտները դրանց մեջ չեն եղել։ Իսրայելցի պաշտոնյաները միայն անորոշ կերպով են հիշատակել միջուկային ծրագիրը, չնայած Իսրայելը սպանել է երկու բարձրաստիճան իրանցի գիտնականների։

Կան նաև չհաստատված հաղորդագրություններ Սպահանի տարածքում հարվածների մասին, սակայն պարզ չէ, արդյոք  դրանք կապվա՞ծ են միջուկային ծրագրի հետ։

Երկուշաբթի ավելի ուշ ԱԷՄԳ-ում Իրանի դեսպանը հայտնել է, որ Նաթանզում գտնվող Իրանի միջուկային օբյեկտը հարված է ստացել ԱՄՆ-ի և Իսրայելի ռազմական գործողությունների ժամանակ։

«Իրանի խաղաղ, պաշտպանված միջուկային օբյեկտները երեկ կրկին հարձակման են ենթարկվել»,- ԱԷՄԳ-ի կառավարիչների խորհրդի նիստում լրագրողներին ասել է Ռեզա Նաջաֆին։ Երբ նրան հարցրել են, թե որ օբյեկտներն են հարված ստացել, նա պատասխանել է՝ «Նատանզը»։

Երկուշաբթի նաև հաղորդումներ եղան Իրանի տարբեր միջուկային օբյեկտներում պայթյունների մասին։

ԱԷՄԳ-ի ներկայացուցիչը, որին կապվեցին պարզաբանումների համար, լրագրողներին ուղղորդել է նույն օրը Գրոսիի մամուլի ասուլիսին։ Այդ ասուլիսում Գրոսին ուղղակիորեն չի մեկնաբանել հակասությունը։

Նա նշել է, որ Իրանի միջուկային օբյեկտների վիճակի վերաբերյալ տվյալների մեծ մասը ստացվում է տեխնոլոգիական սարքերից, որոնք վերահսկում են ռադիոլոգիական փոփոխությունները, մասնավորապես՝ թունավոր միջուկային նյութերի արտահոսքը մթնոլորտ։ Նա նշել է, որ արտահոսքեր չեն հայտնաբերվել։

Գրոսին պարզաբանել է նաև, որ 2025 թվականի հունիսից ի վեր, իրանական միջուկային օբյեկտներին Իսրայելի և ԱՄՆ-ի հարվածներից հետո, իր անձնակազմը մուտք չի ունեցել կենտրոնական օբյեկտներ՝ Նաթանզ, Իսֆահան կամ Ֆորդո։

Երբ նրան ուղղակիորեն հարցրել են Իսֆահանի հարվածների մասին, նա պատասխանել է, որ ինքը անմիջական մուտք չունի օբյեկտ։

Գրոսին նաև ենթադրել է, որ 60%-ով հարստացված ուրանի մեծ մասը մնում է Իսֆահանի խոր ստորգետնյա տարածքում և չի ոչնչացվել ո՛չ 2025 թվականի հունիսին, ո՛չ էլ ներկայիս հակամարտության ընթացքում։