2009թ. հունվար-հոկտեմբեր ամիսներին ԱՊՀ երկրներում աճել են սպառողական գները: Ինֆլյացիայի մակարդակով առաջին տեղում Ուկրաինան է՝ 10,1 տոկոս ցուցանիշով, որին հաջորդում է Բելառուսը՝ 8,3 տոկոսով: Ռուսաստանում գներն աճել են 8,1 տոկոսով: Հատկանշական է, որ Հայաստանում եւ Վրաստանում այդ ցուցանիշը զգալի ցածր է՝ համապատասխանաբար 3,2 եւ 3 տոկոս: Բալթյան երկրներում, նաեւ Ադրբեջանում եւ Մոլդովայում գները շարունակում են նվազել (1,4 տոկոսով): Այդ մասին են վկայում տվյալ երկրների վիճակագրության ազգային մարմինների տվյալները: