Apple ընկերությունը չի կարողանա մոտ ժամանակներս ներկայացնել իր 7,85 դյույմ անկյունագծով iPad Mini պլանշետը` Ասիայում արտադրության հետ անսպասելիորեն ծագած խնդիրների պատճառով: Այս մասին հայտնել է Digitimes պարբերականը , վկայակոչելով էլեկտրոնիկայի արտադրության ասիական ոլորտի իր աղբյուրները:
Digitimes-ի հոդվածից անհասկանալի է, թե արդյոք խնդիրը ի հայտ է եկել արտադրության, թե ապրանքի լոգիստիկայի հետ, քանի որ հետաձգումը անդրադարձել է նրա արտադրանքի մի քանի տեսակներին: Առանձին խոսելով iPad Mini-ի մասին` պարբերականը նշում է, որ ընկերությունը որոշ դժվարություններ ունի սարքի պատյանի հետ, գրում է CyberSecurity.ru-ն:
Ավելի վաղ տվյալներ էին հայտնվել այն մասին, որ ընկերությունն արդեն պատվերներ է տեղադել ասիական գործընկերների մոտ` iPad պլանշետի մինի տարբերակի 10 միլիոն օրինակի թողարկման համար, որի արժեքը լինելու է 249-299 դոլար: