Հայաստանի Հանրապետության մշակույթի նախարարության առաջարկությամբ ՀՀ կառավարության ապրիլի 11-ի նիստի օրակարգ է մտել Հայաստանի եւ Ֆրանսիայի կառավարությունների միջեւ «Համատեղ կինոարտադրության մասին» համաձայնագրի կնքմանը հավանություն տալու հարցը:
Համաձայնագրով նշված է, որ 2 երկրների համատեղ արտադրած ֆիլմերը ստանում են ազգային ֆիլմի կարգավիճակ եւ օգտվում են երկու պետություններում բոլոր հնարավոր արտոնություններից:
Նշենք, որ Ֆրանսիան համատեղ կինոարտադրության համաձայնագրեր է կնքել 52 երկրների, այդ թվում՝ Վրաստանի հետ:
