Սոցիալական ցանցերն ու մեդիան հզոր գործիք են, որոնք ունակ են դրական ազդեցություն ունենալ տարեց մարդկանց կյանքի վրա:
Նման եզրահանգում են կատարել Էքսեթերի համալսարանի մասնագետները, որոնք որոշակի ժամանակահատվածում հետեւել են համակարգչից եւ սոցիալական կայքերից օգտվել սովորող տարեց մարդկանց:
Օրինակ՝ իրենց ազգականների հետ Skype-ի միջոցով շփվող տարեցներն ավելի ամուր ֆիզիկական եւ հոգեկան առողջություն են ունեցել: Բացատրությունը շատ պարզ է: Սոցիալական ցանցերից օգտվող տարեց մարդիկ իրենց կարեւորված են զգում, բարձրանում է սեփական կոմպետենտության եւ ճանաչողական ունակությունների բարելավման զգացողությունը: Ըստ Informing-ի, այս ամենը բարենպաստ ազդեցություն է ունենում ինքնազգացողության եւ օրգանիզմի վրա ընդհանրապես:
Հետազոտողների կարծիքով, ցանկացած տարիքի մարդու համար կարեւոր են սոցիալական կապերը եւ, իհարկե, շփումը: Եվ հենց ժամանակակից տեխնոլոգիաներն են հեռավորության վրա շփվելու հնարավորություն ընձեռում, ինչը դրական է ազդում տարեցների առողջական վիճակի վրա:
