Օգոստոսի 23-ին հրավիրված արտակարգ նիստի ժամանակ Ժողովրդավարական ուժերի ընդդիմադիր ազգային խորհուրդը կառույցի կողմից ընտրել է նախագահի երկրորդ միակ թեկնածուին՝ ադրբեջանի նախագահի հոկտեմբերի 9-ին կայանալիք ընտրություններում մասնակցելու համար, այն դեպքում, եթե հիմնական թեկնածու Ռուստամ Իբրահիմբեկովին չգրանցեն:
Երկրորդ միակ թեկնածուն է պրոֆեսոր Ջամիլ Հասանլին: Նրա թեկնածությունն առաջադրել է Ռուստամ Իբրահիմբելովը, հաղորդում է ՌԻԱ Նովոստին:
Հասանլին ծնվել է 1952թ.-ին, ավարտել է Բաքվի համալսարանի պատմության ֆակուլտետը: Ադրբեջանում Ազգային ֆրոնտի կառավարության օրոք եղել է երկրի նախագահի խորհրդականը, երկու անգամ ընտրվել է խորհրդարանի պատգամավոր:
Այս պահին Իբրահիմբեկովը երկու երկրների քաղաքացի է՝ Ադրբեջանի եւ Ռուսաստանի, եւ դա թույլ չի տալիս նրան մասնակցել Ադրբեջանում կայանալիք ընտրություններին: Իբրահիմբեկովն արդեն դիմել է ռուսական համապատասխան մարմիններին՝ երկրի քաղաքացիությունից հրաժարվելու համար, սակայն եթե նրա խնդրանքը Ադրբեջանի նախագահի թեկնածուին հաստատելու ժամկետում չբավարարեն, նա չի կարող մասնակցել ընտրություններին: Այն դեպքում, եթե Իբրահիմբեկովը գրանցվի, երկրորդ թեկնածուն կհանի թեկնածությունը: